Nokia PC Suite: sms ရှည်ရှည် ပို့ချင်ရင်

Nokia PC Suite ဆိုတာ nokia ဖုန်းတွေကို PC နဲ့ ချိတ်ဆက် သုံးဆွဲဖို့ပေးထားတဲ့ driver လေးတစ်ခုလို့ ပြောရင်ရမယ် ထင်ပါတယ်။ ဖုန်းတွင်းကို data transfer လုပ်ရုံသာမက၊ ဖုန်းရဲ့ လုပ်ဆောင်ချက် တွေကိုလည်း PC ပေါ်ကနေ ဆောင်ရွက်နိုင်တဲ့ software တစ်ခုလို့ ဆိုရမှာပါ။

ဥပမာ တစ်ခုပြောရရင် သင်ဟာ ကွန်ပြူတာရှေ့မှာ အလုပ်လုပ်နေပါတယ်။ အလုပ်လုပ်ရင်း သင့်ရဲ့ မိတ်ဆွေတစ်ယောက်ကို အရေးတကြီး ဖုန်းပြောစရာရှိလို့ ဖုန်းခေါ်လိုက်ပါတယ်။ လူကြီးမင်းနဲ့ မတွေ့ပါဘူး၊ လိုင်းရပါတယ်။ ဒါပေမယ့် တစ်ဖက်က ဘာအကြောင်းတွေကြောင့် လည်းတော့မသိဘူးပေါ့၊ ဖုန်းလုံးဝ မကိုင်ပါဘူး။ ဒီတော့ သူကိုပြောဖို့ အရေးကြီး အကြောင်းအရာ ပြောလို့မရဘူး ဖြစ်နေတယ်။ message ချန်ခဲ့မှ ဖြစ်တော့မယ်ပေါ့။ ပြန်ဆက်ပါလို့ ပြောခဲ့နိုင်တာပေါ့။ ဒါပေမယ့် မပြောချင်လို့ မကိုင်တာဆိုရင် ပြန်ဆက်ဖို့ မသေချာပါဘူး။ ဒီတော့ ကိုယ်ပြောလိုတဲ့ အကြောင်းအရာတွေကို message မှာ ပြည့်ပြည့်စုံစုံ ရေးပြီးပို့မှ ဖြစ်တော့မယ်။

ဖုန်းပေါ်ကနေ message ပို့တယ်ဆိုတာ မလွယ်ဘူးလေ၊ key တွေ အများကြီး နှိပ်မှ စားလုံးတစ်လုံး ရတာ မဟုတ်လား။ ဒါကို nokia pc suite က ဖြေရှင်းပေးထားတာပါ။ သင့်ရဲ့ ဖုန်းကို ကွန်ပြူတာနဲ့ ချိတ်လိုက်ပါ။ pc suite က အလိုအလျောက် သိအောင် ဆောင်ရွက်ပေးပါလိမ့်မယ်။ လုပ်နိုင်တဲ့ function တွေကို icon လေးတွေနဲ့ ပြထားပါလိမ့်မယ်။ message ပို့မှာ ဆိုရင်တော့ message ကို ရွေးလိုက်ရမှာပေါ့။ အဲဒီအခါမှာ inbox မှာ ဘယ်လောက် outbox မှာ ဘယ်လောက် စသဖြင့် ဖေါ်ပြထားလိမ့်မယ်။


Message Icon လေးကို click လိုက်ပေါ့၊ Editor box လေး တက်လာမယ်။ ကိုယ်ရေးချင်တဲ့ အကြောင်းအရာ ကိုရေး ပို့ရမယ့် ဖုန်းနံပါတ်ကို ရိုက်ထည့်။ ပြီးရင်တော့ send icon လေးကို click လိုက် ဒါဆိုရင်တော့ computer ပေါ်ကနေ message ကို ပို့လိုက်နိုင်ပြီ ဖြစ်ပါတယ်။ အနဲဆုံး ဖုန်းမကိုင်တဲ့အတွက် ပယ်ပယ်နယ်နယ်လေး ဆဲလို့ရတာပေါ့ဗျာ။

မြန်မာလို့တော့ ရိုက်မရဘူးဗျ၊ phone apps တွေကို စေတန်ဂေါ့တို့ ရေးနေကြတော့ သူတို့ကို တောင်းရင် ပေးမှာပါ။ မယုံရင်တောင်းကြည့်။ ဒါပေမယ့် တစ်ဖက်ကလည်း ထည့်ထားမှ ဖြစ်မှာပေါ့။ အဆင်ပြေပါစေ။

Download Link : Nokia PC suite